Thursday, 28 June 2012

നന്മയുടെ മഴവില്ല്‌

നന്മയുടെ മഴവില്ല്‌ ഇനി എന്നാണുദിക്കുക...?


ഇന്നത്തെ പകല്‍ കണ്‍തുറന്നത്‌ ഏഷ്യാനെറ്റ് വാര്‍ത്തകളിലേക്കായിരുന്നു.....വാര്‍ത്തകള്‍ ഇങ്ങനെ പോകുന്നു....

വഴിവക്കില്‍ യുവാവിനെ അതിദാരുണമായി വെട്ടിക്കൊലപ്പെടുത്തിയ നിലയില്‍ കണ്ടെത്തി.
...
മരുന്നു മാറിക്കൊടുത്ത്‌ രണ്ടുവയസ്സുകാരി മരിച്ചു.

അവിഹിതബന്ധത്തില്‍ ജനിച്ച കുഞ്ഞിനെ ഓട്ടോറിക്ഷയില്
്‌ ഉപേക്ഷിച്ച നിലയില്‍ കണ്ടെത്തി....

കെ എസ് എഫ് ഇ...ശാഖയില്‍ കളക്ഷന്‍ ഏജന്റ് പന്ത്രണ്ടു ലക്ഷം വെട്ടിപ്പ്‌ നടത്തി.....

ടി.പി വധക്കേസ് പ്രതികളെ തെളിവെടുപ്പിനായി കൊണ്ടുവന്നു.....
ഒരു നിമിഷം, ഇത്‌ ക്രിമിനല്‍ വാര്‍ത്താ സംപ്രേക്ഷണമാണോയെന്നു സംശയിച്ചു പോയി...നന്മയുടെ ഒരു വാര്‍ത്തപോലുമില്ലാതെ....

മനം മടുത്ത്‌ അല്പനേരം ഫേസ്ബുക്ക് തുറന്നു നോക്കി....അപ്പോഴതാ ഒരു കവയത്രിയെന്നവകാശപ്പെടുന്നവര്‍ ഗാന്ധിജിയെ തെറി പറഞ്ഞുകൊണ്ട്‌ കവിതയെഴുതി,തന്റെ പുസ്തകം കച്ചവടം ചെയ്യുന്നു.....

ശ്രീ ഇ.വി ശ്രീധരന്‍ എഴുതിയപോലെ "നമ്മുടെ കാലം ആസുരമായിത്തീര്‍ന്നിരിക്കുന്നു.മോചനമില്ലാത്ത ഒരവസ്ഥയിലേക്ക്‌ നാം വീണു പോയിരിക്കുന്നു....

ഞാനല്ലാതെ മറ്റൊരുത്തന്റെ ജീവിതദുഃഖങ്ങളും മരണവും എനിക്ക്‌ പ്രശ്നമല്ല.മറ്റവന്റെ ഭക്ഷണത്തിലും മരുന്നിലും മദ്യത്തിലും ഞന്‍ മായം ചേര്‍ക്കും എനിക്കുള്ള പണം ഞാന്‍ പലിശക്ക്‌ കൊടുത്ത്‌ ഇരട്ടിപ്പിക്കും ചുറ്റുപാടുമുള്ള പെണ്ണുങ്ങളെല്ലാം എന്റെ സ്വത്താവണം എനിക്ക്‌ എല്ലാ വിധത്തിലും സുഖിക്കണം.."


ആകെക്കൂടി കുട്ടികള്‍ക്ക് നന്മയുടെ പ്രതീകമായി ചൂണ്ടിക്കാണിക്കാനുണ്ടായിരുന്ന എല്ലാ പ്രതീകങ്ങളെയും ഇങ്ങനെ കരിവാരിത്തേക്കാന്‍ ശ്രമിച്ചാല്‍ നാളെ നമ്മുടെ നാടിന്റെ അവസ്ഥ എന്തായിരിക്കും..?നന്മയുടെ മഴവില്ലുകളെ തിന്മയുടെ കറുത്ത മേഘങ്ങള്‍ മൂടുകയാണോ....?

No comments:

Post a Comment